Tërë bota përfiton nga bisedimet bërthamore të Gjenevës

Kryetari i  Kuvendit të Iranit (Mexhlisit) tha se marrëveshja bërthamore në Gjenevë është e dobishme për të gjithë njerëzit e botës .
     Sipas  agjencisë IRNA, duke iu referuar rëndësisë së bisedimeve bërthamore në Gjenevë për Iranin dhe botën, ndërmjet Iranit dhe 5 +1 fuqive botërore, Ali Larixhani, të martën, më 26 nëntor 2013, tha:

      Për qasjet armiqësore të disa vendeve, këto bisedime janë shumë të ndjeshme nga teknike, ligjore dhe nga pikëpamja politike.

      Duke vlerësuar udhëzimet e mençura dhe përkrahjen e udhëheqësit të Revolucionit Islamik dhe mbështetjen e vendit ndaj grupit negociator në arritjen e rezultatit të dëshiruar në bisedimet bërthamore, kryetari, Ali Larixhani, tha:

      ”Vendet shtypëse nuk kanë guxim dhe fuqi për të nisur ndonjë ofensivë kundër kombi iranian. ”
    Larixhani bëri thirrje për vazhdimësinë e kësaj lëvizje për në hapin e ardhshëm, si qëllim kryesor i bisedimeve, duke theksuar:

      Ashtu siç është e përcaktuar në dokumentin e fundit sanksionet do të hiqen.
       Duke vënë në dukje vërejtjet kundërthënëse të disa zyrtarëve perëndimorë se marrëveshja bërthamore ishte fryt i sanksioneve dhe presioneve, kryetari i Kuvendit Konsultativ Iranian tha:

  Kjo tregon moskuptimin e tyre dhe nuk do të ndalem këtu .
   Ai, gjithashtu, tha:

     Joefektiviteti i sanksioneve mbi vullnetin e kombit iranian, urrejtja e iranianëve ndaj qasjeve armiqësore të disa shteteve perëndimore, dhe zemërimi i kombeve rajonale për sjelljen mashtruese të këtyre shteteve, që zotërojnë armët më shkatërruese atomike, janë arsyet për tërheqje te perëndimorëve.