Digjet shkolla Arabo-Hebreje, simbol i bashkëjetesës në Jeruzalem

Ekstremistët e dyshuar hebrenj i vunë zjarrin një klase në një shkollë Arabe-Hebreje në Jerusalem, tha policia të dielën, në shënjestër kishin  një simbol të bashkëjetesës në një qytet ku dhuna është në rritje kohët e fundit.

Lokalet e shkollës ishin bosh të shtunën vonë kur sulmuesit dogjën një klasë e cila përdorej nga klasa e parë, ku fëmijët palestinezë dhe izraelitë mësonin së bashku në hebraisht dhe arabisht.  

Vdekje arabëve ishte shkruar në një mur të shkollës.

Zëdhënësi i policisë, Micky Rosenfeld, tha se slogani i shkruar, vuri në dukje motivet nacionaliste, një reference që dyshohet se sulmuesit i përkasin të djathtës ekstreme çifute.

Më shumë se 600 nxënës shkollohen në këtë shkollë e cila quhet Dorë për Dore. Që nga niveli parashkollor deri në shkollë të mesme, nxënësit janë të ndarë në mënyrë të barabartë midis hebrenjve dhe arabëve. Ka katër shkolla të tjera të tilla, me emrin Dorë për Dore në Izrael. 

Era e tymit ende vinte kur fëmijët erdhën në shkollë të dielën, ditën e parë të javës së punës në Izrael. Një ekip mjeko-ligjor i policisë ka hulumtuar në klasës e djegur, ku librat e djegura ishin të shpërndara në dysheme.

Nënat e  përlotura me fëmijët e tyre dhe rreth 150 njerëz mbajtën një protestë kundër dhunës. 

Ne jemi duke përkrahur njëra tjetrën, kjo na bën më të fortë, tha Mimi Fkia, një mësues arabe e kopshtit, ndërsa Vida, mësuese hebreje, e përqafoi atë. 

Kryeministri i Izraelit, Benjamin Netanjahu dënoi zjarrvënien në shkollë. Ne jemi duke bërë përpjekje të mëdha për të rivendosur paqe dhe qetësi në Jeruzalem, tha ai në një takim të kabinetit.

Në shkollë, Brian Callan, një baba i njërit prej fëmijëve të klasës të cilën e dogjën, akuzoi qeverinë për inkurajimin, nxitjen dhe legjitimimin për sjellje populiste raciste përmes legjislacionit racist.