Lavrovi për sanksionet e Perëndimit

Ministri rus i punëve të jashtme Sergej Lavrovi, ka thënë se sanksionet e Perëndimit kundër Rusisë kanë vetëm një qëllim, të vihet gjer ”te ndërrimi i regjimit” në Rusi.

“Liderët e Perëndimit publikisht theksojnë se sanksionet duhet të dobësojnë ekonominë ruse dhe të shkaktojnë protesta dhe çrregullime të brendshme. Perëndimi nuk do të ndërrojë politikën ruse. Por do të ndërrojë regjimin në Rusi. Praktikisht këtë më asnjeri nuk e demanton”, ka theksuar ministri rus i punëve të jashtme në një bisedë të hapur të emisionit moskovit “think –tank”. Ka theksuar edhe disa fakte të njohura se ky eskalim i marrëdhënieve negative ndërmjet Perëndimit dhe Rusisë nuk ka ardhur rastësisht por se tensionet janë rritur vite me radhë para krizës ukrainase. Dallimi është në atë, ceku Lavrovi, se vendet e Evropës kanë marrë qëndrim kundër Rusisë, duke vënë sanksione dhe luajnë në kartën:” krejt apo asgjë”.” Në rast se kurrgjë tjetër, bile çart kanë theksuar pozitat e tyre”, ka thënë Lavrovi.
           

“Bashkimi Evropian është partneri ynë tregtar më i madh. Askush nuk do të gjuaj vetvetes në këmbë që të refuzojë bashkëpunimin me Evropën, por të gjithëve është çart se gjërat nuk do të kthehen sikurse kanë qenë përpara. Neve nuk na nevojitet marrëdhënia e tillë në të cilin është theksuar” se Rusia dihet të bëjë këtë dhe atë”. Ne dëshirojmë bashkëpunimin në nivel të barabartë”, ka thënë Lavrovi. Ka theksuar se”ideologjia po verbëron evropianët” duke cek si shembull ndjekjen e krishterëve në Lindjen e Afërt për të cilin vendet e Bashkimit Evropian edhe më tej heshtin.