Bisedimet Abdullah-Masum përqëndrohen në krizën e Irakut

Riad: Ghazanfar Ali Khan 

Kujdestari i dy xhamive të shenjta, mbreti Abdullah, zhvilloi bisedime me Presidentin e Irakut, Muhamed Fuad Masum të martën.

Masum mbërriti në Riad me shpresë se të dy vendet do të angazhohen në bisedime të nivelit të lartë për të rivendosur paqen në Irak, si dhe në rajon.

Ai u prit nga Princi Mukrin. Kjo është vizita e parë presidenciale nga Iraku që nga viti 2010, dhe shihet gjerësisht si një mundësi për afrimin ndërmjet vendeve fqinje.

Gjatë vizitës së tij të rëndësishme, Masum pritet të takohet me zyrtarë të rangut të lartë sauditë për të diskutuar bashkëpunimin dypalësh, veçanërisht në kushtet politike dhe të sigurisë në Irak dhe në rajon, të cilat kanë të bëjnë me dy vendet, kështu tha të martën një burim diplomatik.

Ministri i Jashtëm i Irakut, Ibrahim Al-Xhaafari, tha se bisedimet mes Arabisë Saudite dhe udhëheqjes së Irakut do të ndihmojnë për të qetësuar situatën. Kjo është një vazhdimësi e takimeve të mëparshme të mbajtura në Xheddah, Paris dhe Nju Jork.

Të gjitha takimet e mëparshme Saudite-Irakiane treguan seriozitetin nga ana e të dy vendeve për të rritur lidhjet, tha Agjencia Kombëtare e Lajmeve të Irakut, duke cituar Ministrin e Jashtë të Irakut, Ibrahim Al-Xhaafari.