Libra mbi kryengritjen e Imam Hysejnit do të publikohen në anglisht

Qendra Kërkimore e Astanit, në Xhaminë e Imam Hysejnit, në Qerbela, ka në plan të botojë libra në gjuhën angleze për kryengritjen e Imamit të tretë.   

Drejtori i Qendrës Kërkimore, Abdel Amir Kurajshi tha se një numër i librave mbi këtë temë janë duke u përkthyer në gjuhën angleze nga qendra, njoftoi agjencia e lajmeve Buratha.

Ato përfshijnë edhe veprën e Shejh Muhammad Mahdi Shamseddin e cila quhet “Kryengritja e Imam Husejnit në Opinionin Publik”, e cila  është një analizë historike e kryengritjes së Imam Huseinit, tha ai.

Sipas  Drejtorit të Qendrës, Abdel Amir Kurajshi, librat do të shpërndahen në vende të ndryshme të botës.

Imam Hysejni u ngrit kundër sundimit tiranik të Jezidit që kishte  shkelur mbi parimet Islame. Imami, së bashku me 72 shokët e tij besnikë, u martirizua në betejën e Qerbelasë në vitin 680. 

Që nga ajo kohë, kryengritja e tij heroike i ka frymëzuar muslimanët, sidomos myslimanët shi’itë, dhe ju ka mësuar atyre mësimin e trimërisë, të qëndresës, të vendosmërisë,   dhe përkrahjen, mbrojtjen e së vërtetës.