Heshtja shteteve myslimane për masakrat në Gaza është e turpshme

Kryetari i Xhematit Islami në Pakistani ka kritikuar udhëheqësit e shteteve të Botës Muslimane për qëndrimin në heshtje për vrasjet e palestinezëve në Rripin e Gazës.  

Sundimtarët e (disa) shteteve myslimane i mbyllën sytë ndaj  krimeve barbare të kryera nga regjimi sionist në Gaza, tha Siraxh-ul-Hak, ndërsa i drejtohej një mitingu të mbajtur në përkrahje të Palestinës.

Ai tha se ndërsa në Londër dhe në qytetet e Shteteve të Bashkuara të Amerikës miliona amerikanë kanë dalur nëpër rrugë për të protestuar kundër mizorive sioniste, kurse në disa shtete islame ka heshtje për  tragjedinë e Gazës.

Siraxh-ul-Hak  ka dënuar sulmet izraelite në Gaza dhe bëri thirrje për t'i dhënë fund rrethimit të enklavës bregdetare.

Lufta e fundit izraelite në Rripin e Gazës ka filluar më 8 korrik 2014. Sipas zyrtarëve palestinezë të shëndetësisë, numri i përgjithshëm i palestinezëve të vdekur nga sulmet brutale izraelite në Rripin e Gazës ka arritur në 1.940, shumica e viktimave janë civilë. Rreth 10.000 banorë të tjerë janë plagosur nga sulmet izraelite.

Shënimet më të fundit tregojnë se rreth 470 fëmijë palestinezë kanë humbur jetën deri tani nga agresioni i Izraelit kundër Rripit të varfër të  Gazës në muajin e kaluar. Fëmijët, gjithashtu, përbëjnë pothuajse një të tretën e të plagosurve.