Gabimet e gjetura në kopje të Kur'anit miratohen nga Al-Az’hari

Myftiu i Palestinës tha se ka gabime në disa kopje të Kur’anit të botuar me miratimin e Qendrës Islame al-Az’har të Egjiptit.

Shejh Muhammed Hussein tha se ka gabime shtypi në kopje të Kur’anit, njoftoi agjencia e lajmeve Ma'an.

Ato janë botuar nga një kompani e publikimeve në kryeqytetin egjiptian, në Kajro, me leje nga al-Az’hari, deklaroi ai.

Shejh Muhammed Husseini u kërkoi bibliotekave, librarive dhe individëve që kanë marrë kopje të Kur’anit me gabime t’i dërgojnë ato në Palestinë tek Dar-ul Ifra.  

Më parë, disa kopje të tjera të Kur'anit të miratuara nga al-Az’hari u ri-mblodhën në Palestinë sepse ato përmbanin gabime shtypi.

Disa vjet më parë al-Az’hari propozoi një ligj të ri në Kuvend të Egjiptit, i cili  bëri thirrje për shtëpitë botuese që shpallen fajtore për  gabime shtypi në kopjet e Kur’anit të dënohen 15 vjet burg.