Cili është shteti islam në Irak dhe Levant (ISIS)?

Një dokument i në një organizate ekstremiste që është një nga grupet sunnite arabe, që është duke luftuar dhe fituar terren ndaj qeverisë qendrore në Irak.

Shkruan: Dan Murphy

Çfarë është ISIS?

     Shteti Islamik i Irakut dhe Levant (ISIS) ka lindur nga hiri i Al Kaidës në Irak, është themeluar pas pushtimit të udhëhequr nga SHBA në vitin 2003 dhe në fund të fundit shpërtheu me udhëheqjen e Al Kaidës  me bazë në Pakistan. Qëllimi i tij ishte për të ndërtuar një shtet të rreptë islamik në provincën Anbar të Irakut, ku dominojnë sunnitët.

    Grupi  ka dështuar në objektivat që kishte, por kur shpërtheu lufta në Siri në vitin 2011, luftëtarët e thekur irakianë erdhën në Siri dhe u bashkuan me sirianët dhe luftëtarë të tjerë të huaj. Ajo që doli ishte një grup me një vizion për një kalifat ndërkombëtar në Siri dhe Irak - të paktën për fillim.

     ISIS  ka zhvilluar edhe një histori të brutalitetit ekstrem. Grupi ka qenë i përfshirë në ekzekutimin e të burgosurve, masakrat sektare, dhe prerje të duarëve të sirianëve për vepra të vogla në zonat që kontrollin.  ISIS ka luftuar për kontrollin e zonave sunnite arabe në Siri kundër grupeve të tjera të xhihadit, duke përfshirë Xhabhat al-Nusra ( Frontin al-Nusra).

      Çfarë ISIS nuk ka bërë deri më tani  është larg për ta kërcënuar  

seriozisht pushtetin e diktatorit të Sirisë, Bashar al-Assadin.

     Si financohet ISIS-i?

    ISIS supozohet se ka marrë fonde nga donatorë të pasur privat nga  monarkitë sunnite të Gjirit Persik, si Arabia Saudite, Kuvajti dhe Katari, por pjesa më e madhe e parave duket se ka shkuar për grupet  rivale të xhihadit. ISIS, gjithashtu, gjeneron të ardhurat e saj, duke marrë kontrollin e bizneseve lokale, tatimin dhe nga shitja e naftës.     Rënia e forcave irakiane të sigurisë në veri të Irakut në fillim të qershorit ka majmur arkat e ISIS-it dhe arsenalin e saj. Armët e lehta, artileri, tanke, makina të blinduara, dhe mjete të tjera të luftës të gjitha ranë në duart e ISIS. Grupi dyshohet se ka vjedhur më shumë se 400 milionë dollarë në para të gatshme nga banka në Mosul, që do t’ia  forcojë aftësinë e saj për të rekrutuar dhe të paguar luftëtarët.

Kush e drejton grupin?

    Emri i udhëheqësit të ISIS është Ebu Bekr el-Bagdadi; emri i tij lindjes besohet të jetë Ibrahim Avvad Ibrahim Ali al-Badri al-Sammarai.

    Koloneli në pension, Pat Lang, i cili dikur drejtonte sektorin e Lindjes së Mesme në Agjencinë e Pentagonit, Mbrojtja e Inteligjencës, ka shkruar në blogun e tij se paraprakisht i ISIS është përkrahur nga oficerë të ushtrisë irakiane që ishin të shkarkuar menjëherë pasi Shtetet e Bashkuara pushtuan Bagdadin në vitin 2003. Një nga të identifikuarit nga zyrtarët irakianë është Izzat Ibrahim al-Douri, një gjeneral i lartë i Sadam Huseinit dhe oficeri i rangut më të lartë për t'i shpëtuar kapjes pas pushtimit të udhëhequr nga SHBA. Kompetenca ushtaraka e nivelit të lartë e kombinuar me zellin e xhihadistit është një përzierje e fuqishme.

     Por ISIS nuk duket i interesuar në ndarjen e pushtetit, ose të nacionalizmit arab që drejtohet nga shumë prej luftëtarëve të Irakut sunni që tani punojnë me të.

A është ISIS një kërcënim për SHBA?