Brazilianët mbanjë demonstratë të re kundër Kupës së Botës

Brazilianët kanë mbajtur edhe një herë një miting proteste kundër shpenzimeve të qeverisë për Kupën e Botës – FIFA  2014.

    Sipas  agjencisë AP, disa qindra njerëz demonstruan në lagjen turistike Copacabana, të hënën para ndeshjes finale në raundin e parë të vendit pritës në grupin A kundër Kamerunit.

    Protestuesit brohoritën sllogane dhe mbanin parulla ku shkruhej, FIFA shkoni në shtëpi, dhe Ne duam shëndet dhe arsim.
Unë mendoj se FIFA duhet të kthej më shumë për shkak se ajo përfiton aq shumë, thotë një nga tifozët vizitor, i cili kishte dalë nga stadiumi për të parë protestën.

    Paratë shkojnë tek FIFA-s dhe jo te ky vend, Brazili, tha një  tjetër tifoz.

    Në kryeqytetin Brasilia, ku Brazili është përballur me Kamerunin, rreth 50 protestues i vunë zjarrin kopjes së trofeut të Kupës së Botës dhe flamurit të Brazilit.

     Brazili ka parë protesta pothuajse të përditshme dhe greva sepse  mbi kurriz të tyre janë shpenzimet prej 11miliardë dollarë për këtë ngjarje.

     Kritikët thonë se paratë duhet më tepër të investohen në sektorët e banimit, shëndetësisë, arsimit dhe transportit. Ata, gjithashtu,  akuzojnë qeverinë braziliane për korrupsion në marrëveshje në lidhje me infrastrukturat e lojrave.

    Inflacioni në rritje dhe një ekonomi e ngadaltë njoftohet se e kanë njollosur shkëlqimin e Kupës së Botës në Brazil, i cili është vendi më i madh, me ekonominë më të madhe në Amerikën Latine. Banka Botërore tha se, në vitin 2012, gati 16 për qind e popullsisë së Brazilit prej 200 milionë banorëve jetonin nën kufirin e varfërisë.