Al-Sadr bën thirrje për paradë ushtarake në të gjithë Irakun

Autoriteti i fuqishëm fetar i Irakut, Muktada al-Sadr u bëri thirrje mbështetësve të tij që të mbajnë një paradë të përgjithshme ushtarake në të gjithë vendin të shtunën e ardhshme për të rritur unitetin midis irakianëve.

     Vendi ynë i dashur është i rrethuar, është në rrezik dhe armiqtë e kanë pushtuar atë. Për të rritur unitetin dhe gatishmërinë, u bëj thirrje të gjithëve për të mbajtur një paradë ushtarake në të gjithë vendin si një shfaqje e fuqisë sonë për të luftuar kundër armiqve tanë të armatosur, tha al-Sadr në një deklaratë të postuar në faqen e tij, raportoi Al-Alam.

     Një komision posaçëm duhet të formohet për të kryer paradën ushtarake, shtoi deklarata.

     Të mërkurën,  al-Sadr bëri thirrje për formimin e njësive mbrojtëse kundër militantëve radikalë për mbrojtjen e objekteve fetare vendit.
     Një gjendje e jashtëzakonshme u shpall në Irak nga kryeministri Nuri al-Maliki të martën, pasi militantët radikal nga i ashtuquajturi Shteti Islam i Irakut dhe Sirisë ka nisur një ofensivë të madhe në disa pjesë të vendit.

     Al-Sadr tha në një deklaratë të mëparshme se ishte i gatshëm për të formuar njësi të paqes për të mbrojtur vendet e shenjta e të  muslimanëve dhe të krishterëve, në bashkëpunim me qeverinë.