Chuck Hagel nxit shtetet arabe që të bashkohen kundër Iranit

Chuck Hagel, i cili ishte drejtuar ministrave të mbrojtjes të Këshillit të Bashkëpunimit të Gjirit (Persik) ( GCC ) në Xheddah të Arabisë Saudite, të mërkurën, pretendoi se Irani përbën kërcënim për rajonin.

    Sfidat më të mëdha të sigurisë  që kërcënojnë këtë rajon si një i tërë - dhe ai kërkon një përgjigje të përbashkët ... Kjo qasje është në rajon dhe duhet të vazhdojë për të trajtuar kërcënimet e mundshme nga Irani, tha Hagel.

     Pretendimet e tij përçarëse vijnë kundër qëllimit të Arabisë Saudite e cila dëshiron për të përmirësuar marrëdhëniet e saj me Iranin.

      Më 13 maj 2014, Ministri i Jashtëm Saudit, Princi Saud al - Faisal tha në Riad se është i gatshëm për t'u angazhuar në bisedime me Iranin për përmirësimin e marrëdhënieve dypalëshe.

     Ai tha se Ministri i Jashtëm i Iranit,  Muhammed  Xheavad Zarif është ftuar për të vizituar Arabinë Saudite.

    Sekretari Amerikan i Mbrojtjes, gjithashtu, tha se Irani paraqet aktivitete destabilizuese sepse mbështet qeverinë e presidentit sirian Bashar al-Assad.

      Ne vazhdojmë të ndajmë shqetësime të thella për aktivitetet destabilizuese të Iranit në të gjithë rajonin, duke përfshirë ... mbështetjen e tij për regjimin e Assadit në Siri dhe përpjekjet e tij për të cënuar stabilitetin e shteteve anëtare të Gjiut Persik (GCC) , tha Sekretari Amerikan i Mbrojtjes, Chuck Hagel.

      Irani dhe Arabia Saudite mbeten të përçara rreth disa çështjeve rajonale, siç është rasti me situatën në Siri dhe Bahrejn.

     Teherani ka qenë gjithmonë kritik për mbështetjen e Riadit për regjimin e Bahrejnit që po shtyp dhunshëm protestuesit paqësorë.

      Riadi, gjithashtu, mbështet militantët e huaj që luftojnë kundër qeverisë siriane, ndërsa Irani thekson rëndësinë e zgjidhjen së krizës në Siri përmes qasjeve politike.