Forcat e Bahrejnit sulmuan një xhami afër Manamas

 Forcat e regjimit të Bahrejnit sulmuan një xhami shi’ite në një fshat pranë kryeqytetit, Manama, ndërsa pushteti i el-Halifas vazhdon përpjekjet e tij për të heshtur opozitën.

    Sipas agjencisë së lajmeve Tasnim, forcat e Bahrejnit hodhën gas lotsjellës në xhematin që merrin pjesë në një ceremoni varrimi brenda një xhamie në fshatin Sanabis.
     Nuk ishte menjëherë e qartë se përse forcat e sigurisë sulmuan xhaminë.

     Partia kryesore e opozitës në Bahrejn,  el-Wefak, ka dënuar fuqishëm incidentin, duke thënë se ky është sulmi i dytë i tillë këtë muaj.

     Në muajin shkurt, forcat e regjimit sulmuan, gjithashtu, një xhami në fshatin Sa'ar pranë Manamas.

     Dhjetëra xhami janë shkatërruar në Bahrein që nga fillimi i protestave anti-monarkisë që nisën në vitin 2011.