Amerika do të pendohet për sulmin

Presidenti iranian Hassan Rouhani ka akuzuar SHBA-në se kanë vepruar “jashtë ligjeve ndërkombëtare” sa i përket bombardimit të tyre në Siri javën e kaluar. Ai ka dënuar sulmet ajrore që i bëri SHBA-ja kundër regjimit të Bashar Al-Assadit në Siri.

Pas Rusisë që e paralajmëroi SHBA-në, tani edhe Irani thotë se “Amerika do të pendohet për sulmin”, shkruan DailyMail.

Kjo deklaratë e dy shteteve erdhi pasi Sekretari Amerikan i Shtetit, Rex Tillerson, ka thënë se nëse është nevoja SHBA-ja do të sulmojë përsëri forcat e Assadit.

“Amerikanët asnjëherë nuk i janë përmbajtur rregullave, ligjeve ndërkombëtare, i kanë thyer ato vazhdimisht, ata vunë sanksione ndaj Iranit dhe tani, pa arsye mendojnë se janë liderë botërorë”, ka thënë presidenti iranian Rouhani.