Misioni Dështoi: Baza Ajrore e Sheiratit Rinisi Veprimtaritë Në Të Njëjtën Ditë Në Të Cilën Predhat Vranë Civilët

Anembanë kishte pllakosur errësira, gjithandej mbizotëronte një heshtje varri dhe sytë ishin të mbyllur. Më pas vetëtinë dritat e shndritshme. Më tej dritaret u thyen copë-copë dhe ndjenjat e frikës, hodhën plotësisht kthetrat e terrorit. Ishte një ditë e premte, më saktësisht data 7 prill, kur banorët e fshatit në afërsi, të bazës ajrore të Sheiratit në Siri, përjetuan orë të tëra ankthi dhe tmerri.

Sulmi me predha, i urdhëruar nga Donald Tramp, i cili me sa dukej, ishte si një “shpagim”, ndaj “përdorimit” të armëve kimike, përfundoi me lëshimin, e 59 predhave tomahouk në këtë zonë, 23 nga të cilat goditën objektivin. Si pasojë e këtij sulmi, 14 njerëz u vranë, 9 nga të cilët ishin civilë të pafajshëm.

Në natën vijuese, banorët e fshatit të Sheiratit, u larguan nga shtëpitë e tyre, duke iu frikësuar një sulmi të ngjashëm, duke marrë me vete, vetëm gjërat më të nevojshme si veshjet e tyre. Megjithatë në të njëjtën ditë, baza ajrore rinisi veprimtaritë dhe ngritja sërish e avionëve në qiell, i bindi banorët për sigurinë, që i rrethonte ata në shtëpitë e tyre.

Një fshatar i zonës bën të ditur: “Stacioni, aeroporti dhe baza ajrore, rinisën veprimtaritë e tyre, në të njëjtën ditë. Them se kjo është një sfidë e madhe, për Shtetet e Bashkuara të Amerikës dhe aleatët e tyre”.

Në njërën anë, fshatarët janë në zi dhe po vajtojnë të rënët, ndërsa në anën tjetër, janë duke u orvatur të ndihmojnë ata, që kanë nevojë për ndihmë. Një tjetër fshatar citon kështu, për agjencinë e lajmeve RT: “Ky është një sulmi i turpshëm, i cili shkaktoi frikë në mesin e të miturve dhe civilëve, si dhe dëme të mëdha si në këtë fshat, ashtu dhe në fshatrat përreth”.

Shërthimet e predhave shkaktuan, ndërprerjen e energjisë elektrike dhe dëmtuan rëndë infrastrukturën e fshatit. Sh.B.A.-ja vrau civilë dhe shkaktoi një tmerr të vërtetë për të miturit, duke pretenduar se ata po “parandalonin” terrorin dhe në fakt po vrisnin njerëzit.