Rouhani takon ambasadorë të rinj në Teheran

Kryetari i Iranit Hassan Rouhani zhvilloi takime të veçanta me një numër të ambasadorëve të rinj në Teheran të hënën dhe i pranoi  kredencialet e tyre.

      Gjatë një takimi me ambasadorin e ri të akredituar të Shqipërisë në Teheran, Rouhani bëri thirrje për zgjerim të marrëdhënieve me Tiranën në fusha të ndryshme.

     Ai tha se të dy vendet duhet të përgatisin bazat për të zhvilluar  marrëdhëniet dypalëshe në fushën ekonomike dhe kulturore.
     Gjithashtu, ambasadori shqiptar tha se ai do të bëjë përpjekje për të nxitur lidhjet midis Teheranit dhe Tiranës.

      Në takimin me ambasadorin e ri të Sllovenisë, Kryetari Rouhani tha se arsyet duhet të jenë të përcaktuara për sektorët privatë të të dy vendeve për të zhvilluar biznesin e tyre.

    Ai, gjithashtu, shprehu gatishmërinë e Teheranit për të rritur bashkëpunimin me vendin evropian në industrinën e turizmit.

    Ambasadori slloven, nga ana e tij, tha se ka mundësi të mjaftueshme për të dy vendet për të rritur marrëdhëniet e tyre.

     Ai shtoi se kryeparlamentari slloven ka të ngjarë të vizitojë Teheranin në të ardhmen e afërt.

     Hassan Rouhani u takua edhe me ambasadorin e ri të Fixhit dhe tha se të dy vendet, si shtete anëtare të Grupit të 77 dhe të Lëvizjes së Painkuadruarve, mund të rrisin bashkëpunimin e tyre në fusha të ndryshme.

      Grupi 77 në Kombet e Bashkuara është një koalicion i vendeve në zhvillim, i projektuar për të nxitur interesat kolektive ekonomike të anëtarëve të saj dhe për të krijuar një kapacitet të zgjeruar negociues të përbashkët në Kombet e Bashkuara. Në fillim, Grupi ka pasur 77 anëtarë themelues të organizatës, por deri në nëntor të vitit 2013 organizata është zgjeruar në 133 vende anëtare.

    Në takimin me ambasadorin e Lituanisë, Rouhani tha se Teherani i kushton rëndësi të madhe marrëdhënieve të saj me Bashkimin Evropian.

    Ai shtoi se marrëdhëniet e Iranit me Evropën nuk janë të kufizuara vetëm në marrëdhëniet tregtare dhe ekonomike, por bashkëpunojnë edhe në fushat kulturore, rajonale dhe ndërkombëtare.

     Kryetari i Iranit, gjithashtu, ka mbajtur një takim me ambasadorin  e shtetit afrikan, Burundi, në të njëjtën ditë.