Forcat siriane vrasin guvernatorin e ISIS-it në Deir ez-Zor

Një luftëtar i shquar i ISIS-it dhe guvernator i Deir ez-Zor, Ebu Khadixhah al-Masri u vra së bashku me anëtarët e tjerë të ISIS-it gjatë përleshjeve me forcat e ushtrisë siriane në lindje të Sirisë, raportuan aktivistët të dielën.

Al-Masri, një terrorist egjiptian, i cili iu bashkua radhëve të ISIS-it në vitin 2014, u emërua nga udhëheqja e grupit si Vali, ose Guvernator, për  ISIS-in në Deir ez-Zor. Ai u bashkua me fushatën ushtarake në mbrojtje të krahinës të pushtuar nga ISIS-i  në Sirinë lindore kundër trupave të ushtrisë të regjimit.

Më shumë se 15 luftëtarë të ISIS-it u vranë të dielën, duke përfshirë al-Masri, në përleshjet me ushtrinë siriane në afërsi të aeroportit ushtarak të Deir ez-Zor, tha aktivisti i media, Salman Hammadi në Deir ez-Zor.

Përleshje të ashpra u zhvilluan të dielën në rrethin e Tharda-s  pranë bazës ajrore.  Militantët e ISIS-it u detyruan të tërhiqen në drejtim të qendrës së qytetit, pas vdekjes dhe plagosjes të dhjetra luftëtarëve të grupit nga  granatimet e ushtrisë Siriane. 

Pas një përpjekje të dështuar për të sulmuar bazën ajrore ushtarake, militantët e ISIS-it kanë nisur  dy sulme me makina-bombë  në lagjen që mbrohet nga forvat ushtarake të regjimit në Sina, në lindje të qytetit Deir ez-Zor, duke vrarë të paktën katër forcat pro-regjimit dhe duke plagosur të tjerë.

Sulmet me makina-bombë  erdhën në përgjigje të vdekjes së al-Masri dhe luftëtarëve të tjerë të ISIS pranë bazës ajrore Deir ez-Zor, tha një burim i afërt me ISIS-in.