Veseli: Kosova është pro amerikane, nuk është provincë turke por i ngjason Izraelit

“Asgjë nuk duhet të bëjmë më shumë sesa që atë që ka bërë shteti i Izraelit.  Kemi ngjashmëri me Izraelin. Jemi pak dhe çdo njeri që na ik është e rëndë për neve si drejtues të shtetit”, ka thënë Veseli në “Zona e Debatit” në Klan Kosova.

Kryetari i Kuvendit të Kosovës, Kadri Veseli ka thënë në një intervistë se : “Kosova duhet të jetë më shumë i fokusuar të lidhet edhe më me Evropën dhe Amerikën e në këtë mënyrë të largohet nga Turqia. Kosova ka orientim pro SHBA-së dhe Evropës jo veç në mendësinë e të funskionuarit si shoqëri por edhe në aspektin e thithjes së investimeve.

“Preferoj fuqishëm që në Kosovë të kemi investitor  ekonomi nga Amerika, Gjermania e Zvicra.  Shpirtin punëtor gjerman kosovarët e njohin mirë”, ka thënë Veseli, raporton Insajderi.

Ai ka thënë në mënyrë specifike se mes Turqisë dhe Evropës, Kosova zgjedh Evropën.

Ka komentuar edhe faktin se sesi zëvendëskryeministri turk ,  i ishte referuar Kosovës si vendi që në Turqi njihet si “provinca e Perandorisë Osmane”, duke cituar të ia ketë thënë në fytyrë zv.kryeministrit, se Kosova është shpirtërisht i orientuar drejt vlerave perëndimore.