Përfaqësuesi i Sirisë në OKB: Ankaraja përkrah terroristët kundër-Damaskut

Bashar Xha'afari, ambasadori sirian në Organizatën Kombeve të Bashkuara ka akuzuar Turqinë për ndihmë ndaj grupeve terroriste që veprojnë kundër qeverisë së Damaskut.

Në një letër drejtuar Sekretarit të Përgjithshëm të OKB-së Ban Ki-moon, të mërkurën, Bashar Xha'afari gjithashtu i bëri thirrje OKB-së që të marrë masa për t'i dhënë fund krimeve të qeverisë së Ankarasë ndaj refugjatëve sirianë që jetojnë në Turqi.

Bashar Xha'afari tha se grupet e armatosura terroriste, me anëtarë nga mbi 100 vende, janë duke u pajisur me financim, armë dhe logjistikë nga shtetet dhe regjimet nga rajoni dhe më gjerë në luftën e tyre kundër Sirisë.

Gjatë krizës, ndërhyrja turke në punët e brendshme të Sirisë mori shumë forma, duke përfshirë edhe përfshirjen e drejtpërdrejtë të regjimit të [presidenti turk Rexhep Tajip] Erdogan, me forca të armatosura turke në operacionet sulmuese ushtarake në mbështetje të terroristëve, vuri në dukje ai.

Diplomati tha se forcat turke kanë mbrojtur nga zjarri lëvizjet e terroristëve brenda territorit sirian ose përgjatë kufirit sirian-turk, për të lehtësuar depërtimin e mercenarëve terroristë nga territori turk në territorin sirian.

Ai i bëri thirrje OKB-së për të marrë një qëndrim të fortë për t'i dhënë fund këtyre shkeljeve dhe krimevet të kryera nga Ankaraja kundër Sirisë, si dhe refugjatëve sirianë në Turqi, duke e akuzuar Erdoganin se po  ëndërron për të ringjallur trashëgiminë koloniale osmane.

Më tej në komentet e tij,  Bashar Xha'afari përshkruar rrëzimin e aeroplanit nga Ankaraja të një avioni luftarak rus në tokën siriane si një thikë në shpinë heronjve të cilët luftojnë terrorizmin të cilët po kryhen nga   grupi terrorist tekfirist Daesh (ISIS).

Më 24 nëntor 2015, Turqia rrëzojë një avion rus Su-24M, duke pretenduar se Avioni Luftarak kishte shkelur në mënyrë të përsëritur hapësirën ajrore turke.

Moska, megjithatë, hodhi poshtë pretendimet e Ankarasë, duke theksuar se avioni u rrëzua në hapësirën ajrore të Sirisë, ku Rusia po kryen operacione kundër terroristëve tekfiristë që nga 30 shtatori 2015, me kërkesën e qeverisë së Damaskut.

Në letrën e tij, Bashar Xha'afari gjithashtu denoncoi akuzat e Turqisë lidhur me këtë incident si një përpjekje të kotë për të mbuluar përfshirjen e administratës së Erdoganit në kontrabandën e naftës siriane nga Daesh (ISIS-i) në Turqi dhe kontrabandën e armëve për terroristët në Siri.

Në fillim të këtij muaji, Rusia ka publikuar fotot që tregojnë kolona e kamionëve cisternë të cilat supozohet se bartin naftën nga instalimet e kontrolluara nga ISIS-i  në Siri dhe Irak para se të hyjnë në Turqinë fqinje.