UNESCO regjistron dy vepra letrare persiane

UNESCO (( Organizata për Edukim, Shkencë dhe Kulturë e Kombeve të Bashkuara), ka regjistruar dy vepra letrare iraniane në Kujtesën e saj të Programit Botëror.
Koleksionet e poetit të famshëm persian Sa'adiut  dhe të gjeografit  persian Ebu Is'hak Estakhri, “Masalik el-Mamalik” (Traditat e Vendeve), janë regjistruar gjatë takimit 12-të të Komitetit Këshillues Ndërkombëtar të UNESCO-s të mbajtur në Abu Dhabi në fillim të këtij muaji.
Libri i Ebu Is’hak Estakhriut u regjistrua bashkërisht nga Irani dhe Gjermania, sepse versioni persian është mbajtur në Bibliotekën Kombëtare të Iranit, ndërsa versioni arabisht është vendosur në një bibliotekë në Gjermani.
Ebu Is'hak  Estakhri ishte një gjeograf persian dhe hartograf i shekullit të X-të , i cili i pari shënoi të dhënat rreth ernave, stuhive. Libri i tij  Traditat e Vendeve , gjithashtu, është përkthyer në gjermanisht.

Vepra e Sa'adiut 'Kulliyat është përmbledhja e plotë e veprave të poetit të madh persian, i cili shpesh është referuar si Mjeshtër i prozës dhe poezisë në letërsinë persiane.
Ai është më i njohur për librat e tij 'Bustani' dhe 'Gjulistani', si dhe një numër i vargjeve mjeshtërore ku portretizohet përvoja njerëzore. Andre du Ryer ishte evropiani i parë që prezantoi Sa'adin në Perëndim me anë të një përkthimi të pjesshëm në gjuhën frenge të 'Gulistanit ' në vitin 1634.

Sa'adiu është i njohur në mbarë botën për një nga aforizmat e tij, e cila zbukuron hyrjen në Ndërtesën e Kombeve të Bashkuara në Nju Jork.
Nëntë vepra iraniane kanë qenë deri tani të regjistruara në Kujtesën e Programit Botëror të UNESCO-s, duke përfshirë edhe një koleksion të hartave përzgjedhura të Iranit në Epokën Kaxhar dhe përmbledhjen e veprave të poetit persian të shekullit të XII-të Nizami Ganxhavi.