Presidentja Jahjaga viziton Mbretëreshën Elizabeta II në Britani

Media e lirë -Presidentja e Kosovës është e para femër që udhëheq me shumë dinjitet Kosovën dhe në të njëjtën kohë  përfaqëson  femrat kosovare me një pamje shumë të bukur femërore  dhe  dinjitoze. Gjithashtu,  puna e saj e palodhshme është  përkrahja e  femrave duke u angazhuar dhe lobuar në botë që sa më shumë të parandalohet dhuna seksuale si në luftë ashtu edhe në jetën e normale. Presidentja Jahjaga  ka investuar shumë në Kosovë për ofrimin e mbështetjes shëndetësore dhe sociale për viktimat e dhunës dhe përpjekjen sa më të madhe që femra të integrohet në shoqëri me vlerat dhe njohurit e tyre  në lëmit e ndryshme  të jetës, duke u munduar ta thyej atë bllokadë patriarkale  si dhe  radikalizëm dhe ekstremizëm fetarë.

Në Oborrin Mbretëror në Buskingham Palace në Londër Presidentaj e Republikës së Kosovës Atifete Jahjaga kishte nder të madh të vizitojë Mbretëreshën Elizabeta II.  Ky takim u vlerësuar si historik për Kosovarët ngase Kosova tani më po hynë në rrjedhat e një formimi të bukur të një shteti të ri në botë. 

Në bisedën e sipërm, Presidentja Jahjaga iu falënderua  Mbretëreshës dhe Mbretërive të Bashkuara për kontributin e tyre të dhënë për Kosovës, duke ndihmuar që Kosova të ndërtohet në bazat e forta të ligjeve të demokracisë dhe barazisë njerëzore.  Ndihma e Mbretërive të Bashkuara ia ka dhënë shtytje të mirë rinisë së Kosovës, që të vazhdojnë të punojnë për një Kosovë demokratike si pjesë e pashmangshme e Evropës së zhvilluar si ekonomikisht ashtu edhe në aspektin kulturor duke pasur parasysh gjithnjë qëllimin e integrimit në Evropë.

Presidentja Jahjaga gjithashtu shtoi se po vazhdon ta ruaj dhe kultivojë tolerancën dhe harmonin ndërfetare, pavarësisht të kaluarës së saj të rëndë. Ajo tha se Britania e Madhe ka ndihmuar Kosovën në  promovimin dhe kultivimin e tolerancës ndërfetare.