Policia boshnjake arrestoi 16 vetë për përfshirje në luftën e Sirisë dhe Irakut

Policia boshnjake arrestoi 16 vetë të mërkurën me akuza për financimin e veprimtarive terroriste, rekrutimin dhe luftën në anën e grupeve radikale në Siri dhe Irak, thanë autoritetet.  

Arrestimet u bënë nga policia në 17 bastisje të kryera në të gjithë vendin ballkanik, tha në një deklaratë Agjensia Shtetërore e Hetimit dhe Mbrojtjes (SIPA).  

Arrestimet ishin të parat si një spastrim sigurie që nga muaji prill,  kur Bosnja futi në burg deri në 10 vjet qytetarët e saj që luftuan apo rekrutimin e luftëtarëve në konflikteve jashtë vendit, sipas Reuters.

Ky veprim kishte për qëllim që të rinj boshnjakë të dekurajohen nga shkuarja për të luftuar në Siri. Shumë nga ata janë parë si një kërcënim i mundshëm i sigurisë pas kthimit në shtëpi.

Të dyshuarit janë të lidhur me financimin, organizimin dhe rekrutimin e qytetarëve boshnjakë që të nisen për në Siri dhe Irak, dhe duke marrë pjesë në konfliktet e armatosura në Siri dhe Irak, duke luftuar në anën e grupeve radikale terroriste dhe organizatave, thoshte deklarata e policisë.

Ekspertët vlerësojnë se qindra njerëz janë larguar nga Bosnja, ku myslimanët përbëjnë 45 për qind të popullsisë, janë nisur për në Siri. Disa prej tyre thuhet se kaluan në Irak këtë vit për të luftuar për Shtetin Islamik në Irak dhe Levant (ISILl), grupi terrorist.

Disa dhjetra janë raportuar të vrarë, rasti i fundit që një i ri boshnjak i cili vdiq në një sulm vetëvrasës në Irak në fillim të gushtit, sipas medias vendase.