Mbi 156 milion kopje të Kur'anit janë shtypur në Iran

Përfaqësuesi për shtyp dhe publikim të Kur’anit i Organizatës Dar-ul-Kur'an tha se Irani ka shtypur më shumë se 156 milion kopje të Kur'anit të Shenjtë në 28 vitet e fundit.

    Ahmed Haxhisharif  e dha këtë informacion të dielën, më 6 korrik 2014, në një forum rreth temës shtypja dhe publikimi i Kur'anit, në kuadër të Ekspozitës  së 22-të Ndërkombëtare të Kur’anit të  Shenjtë, që po mbahet në Teheran.  

    Ai tha se tetëdhjetë (80) shtëpitë botuese, të cilat janë të vendosura në katër qytete të Iranit, siç janë, kryeqyteti, Teherani, Kumi, Isfahani dhe Mashhadi  janë qytetet ku janë shtypur 156 milion kopje të Kur'anit.

     Ahmed Haxhisharif shtoi se njëmbëdhjetë (11) kaligrafë, nëntë prej tyre iranianë dhe dy nga vende të tjera, kanë  bërë kaligrafinë e kopjeve të shtypura të Kur'anit.  

     Ai theksoi se përparësi të madhe, për të gjitha shtëpitë botuese për  shtypjen e Kur'anit, ka sigurimi i cilësisë.