Zyrtari iranian mohon zërat për rënien e shëndetit të udhëheqësit suprem

Një zyrtar i afërt me udhëheqësin suprem të Iranit,  Ali Khamenei mohoi thashethemet në mediat sociale të hënën se shëndeti i 81-vjeçarit po përkeqësohej.

"Me hirin e Zotit dhe me lutjet e mira të besimtarve, zotëria (Ajetullah Khamenei) është mirë me shëndet dhe është i zënë duke zbatuar me forcë planin e tij sipas rutinës së tij," tha zyrtari, Mehdi Fazaeli në Twitter.

Fazaeli ka punuar në një zyrë duke botuar veprën e Khamenei. Cicërima e tij u raportua gjithashtu nga agjencia gjysmë-zyrtare iraniane e lajmeve Fars.

Deklarata në lidhje me shëndetin e Khameneit  duket se ishte një përgjigje ndaj raporteve nga disa organizata të lajmeve, të cilat i referoheshin një cicërimë nga një gazetar në arabisht, i cili tha se Khamenei i kishte transferuar detyrat djalit të tij për shkak të shëndetit të tij.

Khamenei ka shërbyer si udhëheqës suprem që nga viti 1989, me fjalën e fundit për të gjitha çështjet e shtetit. Shëndeti i tij ka qenë objekt i spekulimeve për vite me rradhë.

Një zyrtar i sigurisë në Izrael, i cili ndjek nga afër ngjarjet në armikun e tij Iranin, i tha Reutersit:

"Ne jemi të vetëdijshëm për këto thashetheme dhe i konsiderojmë ato vetëm si thashetheme".