Ushtria Siriane vret 10 terroristë në Veri-Perendim të Sirisë

Ushtria Arabe Siriane të dielën ka vazhduar operacionet ushtarake kundër grupeve terroriste në jug të Idlebit dhe Hama-s veriore në përgjigje të shkeljeve të tyre të përsëritura të marrëveshjes së zones, duke shkaktuar humbje në to në personel dhe pajisje.

Njësitë e ushtrisë shkatërruan bazat e terroristëve të Xhabhat al-Nusra, vranë dhjetë prej tyre në afërsi të Gergnaz në jug të Idlebit dhe shkatërruan armatimin e tyre, njoftoi Agjencia Arabe Siriane e Lajmeve (SANA).

Në veri të Hama, gazetari shtoi, njësitë e ushtrisë kryen një operacion të saktë në drejtim të lëvizjeve të terroristëve të al-Nusra në fshatin al-Karkat, duke eliminuar një numër grupesh terroriste dhe duke shkatërruar armët dhe pajisjet e tyre.

Më parë, shpërthimi i një miniere në Deir ez-Zor, Siria Lindore, kishte marrë jetën e 4 civilëve dhe plagosi 36 të tjerë.

Ndërkohë,  Ministria e Jashtme Ruse në një deklaratë i bëri thirrje bashkësisë ndërkombëtare të bashkojë përpjekjet në detyrën urgjente të operacioneve humanitare në Siri.

"Ne i bëjmë thirrje bashkësisë ndërkombëtare që të bashkojë përpjekjet ruse-siriane në këtë drejtim dhe të sigurojë mbështetjen e duhur financiare dhe teknike", thuhet në deklaratë.

Përpjekjet e tilla "urgjente dhe të shpejta" në një shkallë globale përfundimisht do të kontribuonin në krijimin e kushteve për kthimin e miliona sirianëve në shtëpitë e tyre dhe rindërtimin e vendit, shtoi deklarata.

Ndërkohë më herët, OKB raportoi se tetë vjet që nga fillimi i luftës, 12 milionë sirianë janë ose refugjatë ose të shpërngulur brenda Sirisë; duke shtuar se kjo është gjysma e popullsisë së para luftës.

"Rreth 70 për qind e refugjatëve sirianë jetojnë nën nivelin e varfërisë," tha komisioneri i lartë i OKB-së për Refugjatët, Filippo Grandi, i cili kohët e fundit vizitoi Sirinë dhe Libanin, ku refugjatët përbëjnë një të katërtën e popullsisë.