Ministri rus i Mbrojtjes Sergei Shoigu thotë se pothuajse 88,000 terroristë të sponsorizuar nga tekfiristët e huaj janë vrarë në Siri që kur Moska filloi sulmet kundër terrorizmit, kundër militantëve të dyshuar në Siri më shumë se tre vjet më parë.

"Gjatë rrjedhës së operacionit janë eliminuar më shumë se 87,500 militantë dhe 1.411 vendbanime përveç më shumë se 95 për qind të territorit të Sirisë ëdhtë çliruar", tha të shtunën Shoigu në këshillin e pestë të ministrave të mbrojtjes të vendeve anëtare të ASEAN-it dhe partnerët e tyre të dialogut në Singapo.

"Vendbanimet kryesore janë çliruar dhe komunikimet kryesore janë vënë në veprim. Forcat e armatosura të Sirisë aktualisht kontrollojnë territorin, ku jetojnë 90 përqind e popullatës, "shtoi ai.

Avionët rusë po kryejnë bastisje ajrore kundër objektivave që i përkasin grupit terrorist Daesh dhe ato të tjera terroriste brenda Sirisë, sipas kërkesës formale të qeverisë së Damaskut që nga shtatori i 2015.

Sulmet ajrore kanë ndihmuar forcat siriane të përparojnë kundër militantëve të Damaskut, të cilët kanë shkaktuar kërdi në vendin arab që nga marsi i vitit 2011.

Më 22 gusht, Ministria e Mbrojtjes e Rusisë deklaroi se Moska kishte dërguar 63,012 trupa në Siri gjatë përfshirjes së saj në vendin arab të rrënuar nga konflikti.

Ministria tha se 25,738 oficerë të lartë dhe 434 gjeneralë si dhe 4,349 specialistë të artilerisë dhe raketave ishin në mesin e trupave të dërguara në Siri.

Ajo shtoi se personeli rus ka "marrë përvojë luftarake" në vendin e shkatërruar nga lufta.

Ministria më tej vuri në dukje se forcat e saj kishin testuar 231 lloje të armatimeve moderne, duke përfshirë avionët, sistemet ajrore  dhe raketat në Siri.