Një zyrtar nga Lëvizja e Rezistencës Libaneze ‘Hizbullah’ ka përshkruar raundin e fundit të sanksioneve nga Shtetet e Bashkuara të Amerikës dhe një numër aleatësh të saj arabë të Gjirit Persik kundër udhëheqjes së grupit si "të pavlefshëm",  duke deklaruar se masat do të nuk kanë efekt në strukturën politike të vendit, kryesisht zgjedhjen e kryetarit të parlamentit dhe formimin e qeverisë së ardhshme.

"Sanksionet e SH.B.A.-së nuk do të ndikojnë as në mekanizmin politik të zgjedhjes së kryetarit të parlamentit dhe zëvendëskryetarit, as nuk do të ndikojë në konsultimet parlamentare dhe formimin e qeverisë së ardhshme", tha zyrtari për gazetën e gjuhës arabe në Liban, Al-Xhumhuria në kushte anonimiteti.

Ai shtoi: "Këto vendime nuk kanë vlerë apo efekt politik. Ato kanë vlerë  për njerëzit që kërkojnë liri në rajonin e Lindjes së Mesme dhe në mbarë botën ".

"Akuzat janë ngritur kundër nesh në të kaluarën dhe gjithashtu janë renditur si terroriste për shkak të angazhimit tonë për t'i rezistuar armikut izraelit dhe për të çliruar tokën tonë të pushtuar. Ne jemi akuzuar edhe njëherë për shkak të rezistencës sonë të gjallë ndaj terrorizmit tekfirit, "vuri në dukje zyrtari.

Departamenti i Thesarit i SHBA-ve tha në një deklaratë të mërkurën se sanksionet synonin  Sekretarin e Përgjithshëm të ‘Hizbullahut’ Sejjid Hassan  Nasrallah dhe zëvendësin e tij, Shejh Naim Kassem, si dhe tre zyrtarë të tjerë në këtë lëvizje.

Sanksionet u vendosën bashkërisht nga Uashingtoni dhe anëtarët e të ashtuquajturit Qendra për Financimin dhe Caktimin e Terrorizmit (TFTC), duke përfshirë Arabinë Saudite, Bahrejn, Kuvajtin, Omanin, Katarin dhe Emiratet e Bashkuara Arabe (UAE).

Një numër i individëve dhe firmave të tjera, për të cilat thuhet se janë të lidhur me ‘Hizbullahun’, u goditën me ndalime.

Ndalimet ishin kryesisht për  Këshillin e Shurasë, organi kryesor vendim-marrës i lëvizjes së rezistencës. Ai përbëhet nga 12 anëtarë, të cilët janë të ngarkuar me marrjen e vendimeve taktike të grupit dhe mbikëqyrin aktivitetet e saj në të gjithë vendin.