Arabia Saudite dhe Bahrejni kanë shprehur mbështetje për sulmet ajrore të kohëve të fundit nga forcat e armatosura të Shteteve të Bashkuara, Britanisë dhe Francës në Siri, të cilat erdhën pas sulmeve të dyshuara të armëve kimike në një qytet sirian.

"Ne mbështesim plotësisht operacionet ushtarake kundër objektivave ushtarakë në Siri", thuhet në një deklaratë të Ministrisë së Punëve të Jashtme të Arabisë Saudite pas sulmeve trepalëshe kundër Sirisë.

Mbretëria Saudite fajësoi qeverinë siriane për kryerjen e një sulmi kimik të kohëve të fundit, duke mbajtur Damaskun përgjegjës për sulmet ushtarake.

Siria ka fajësuar vazhdimisht Rijadin për mbështetjen e militantëve kundër Damaskut dhe destabilizimin e Sirisë.

Siria u sulmua një javë pasi një sulm i dyshuar i armëve kimike goditi qytetin e Doumës pranë Damaskut.

Vendet perëndimore fajësuan për incidentin qeverinë siriane, por Damasku i hodhi poshtë akuzat si "trillime kimike" të bëra nga vetë terroristët në një përpjekje për të ndalur përparimet nga forcat pro-qeveritare.

Ministria e Jashtme e Sirisë dënoi ashpër sulmet e së shtunës si një "agresion brutal, barbari", duke thënë se ata do të ndezin vetëm "tensione në botë dhe paraqesin kërcënim për paqen dhe sigurinë ndërkombëtare në tërësi.