Sipas Astan News, Karl Feraz Bente, ekonomist gjerman dhe biznesmen u bë mysliman në Xhaminë e Shenjtë të Imam Rizait, e përafoi Islamin dhe  zgjodhi emrin e bekuar të të Imam Rizait, Riza.

"Në verën e vitit të kaluar kam ardhur në Iran për të kryer disa projekte ekonomike dhe kam udhëtuar në qytete të ndryshme të Iranit; Isha njohur me zakonet dhe traditat iraniane nga afër dhe isha ndikuar nga kultura e tyre ", tha ai.

"Një nga pikat pozitive të udhëtimit në Iran ishte sprova e gënjeshtrave dhe e propagandës së medias perëndimore. Ata kishin krijuar një imazh të gabuar të Islamit dhe Iranit në mendjen time, gjë që më bëri të eliminoja ndjenjat anti-islame ", deklaroi gjermani që sapo u bë musliman.

Karl Bente, tha se gjatë kësaj kohe ai u frymëzua nga Kur'ani dhe krijoi lidhje të thella emocionale dhe të përzemërta me ajetet e lavdishme të Kur’anit , "Besimi i muslimanëve në Zot është shumë më i fortë se tek fetë e tjera dhe e kam perceptuar këtë fakt me intelektin dhe zemrën time ".

"Në studimet e mia mbi Islamin, hasa disa çështje interesante dhe të habitshme , të cilat ishin përgjigjja e shumë pyetjeve të mia,  ", shtoi ai.

Drejtori i çështjeve jo-iraniane të vizitorëve të Astan Kuds Razavi në ritin e konvertimit të 60-vjeçarit gjerman tha gjithashtu, "Marrëdhëniet midis shoqërive dhe kulturave nuk janë më të monopolizuar më nga qeveritë në epokën e tanishme dhe njerëzit mund ta kuptojnë siç duhet faktet."

"Udhëheqësi Suprem i Revolucionit, në një letër drejtuar të rinjve evropianë dhe amerikanë, kundërshtoi  imazhin e frikshëm të Islamit, një portretizim negativ kundër Islamit dhe u kërkoi të rinjve perëndimorë të marrin njohuri të drejtpërdrejtë dhe të menjëhershme të Islamit", u shpreh Sejjid  Muhammed  Xhevad Hasheminihad.

"Duke lexuar  këtë letër, ne pamë rritjen e të rinjve evropianë dhe amerikanë dhe të kërkuesve të së vërtetës që përqafojnë fenë Islame në Xhaminë e Shenjtë të Imam Rizait (a.s..)", pohoi ai.

Muhammed Hashemi Hasheminihad  tha se armiqtë e Islamit po përpiqen të bëjnë fenë Islame të frikshme dhe muslimanët të neveritshëm, megjithatë, ata nuk mund të arrinin qëllimin e tyre dhe vazhdoi, "Shpresohet që të rinjtë me më shumë njohuri, njohuri dhe studim mbi faktet, të krijojnë bazat për shpëtimin e tyre në këtë botë dhe botën tjetër".

Në fund të ceremonisë, dhuratat e veçanta iu dhanë këtij myslimani të ri, siç janë Kur'ani i Shenjtë në gjermanisht, libra për të njohur Islamin dhe çertifikatën e përqafimit të Islamit.