Qeveria e Afganistanit ka mbyllur një numër të burgjeve sekrete të drejtuara nga aleanca ushtarake e NATO-s të udhëhequra nga SHBA në të gjithë Afganistanin e lodhur nga lufta.

    Qeveria tha se ka mbyllur gjashtë  burgje ku afganët janë janë mbajtur në mënyrë të paligjshme.

    Kreu i një komisioni që vlerëson kushtet e burgut në provincat e Kandaharit dhe Helmandit, tha, gjithashtu, se burgjet u mbyllën me një  dekret të lëshuar nga kryetari Hamid Karzai.

   Kjo erdhi pas disa muajve kur Uashingtoni dhe Kabuli kishin  nënshkruar një marrëveshje sipas të cilës SHBA dha pëlqimin për të dhënë kontrollin e Qendrës së Paraburgimit në Bagram në provincën verilindore të Parvanit dhe disa burgjeve të tjera të fshehta, forcave afgane.  

     Autoritetet e Kabulit kishin paralajmëruar se burgosja e qytetarëve afganë pa gjyq shkel Kushtetutën e vendit dhe të drejtat e njeriut  sipas Marrëveshjeve Ndërkombëtare.

    Komiteti Ndërkombëtar i Kryqit të Kuq  në muajin maj të vitit 2010 konfirmoi raportet për ekzistencën e një paraburgimit sekret në bazën  ajrore në Bagram.

     Grupet e të drejtave të njeriut kanë thënë se të paraburgosurit në Bagram ishin kërcënuar, ishin detyruar të zhvisheshin lakuriq dhe  mbaheshin në izolim të vetmuar në qeli pa dritare.