Garat Kur’anore Kombëtare për të verbërit për mësimin përmendësh  të Kur’anit, për këndimin e Kur’anit u zhvilluan në qytetin Kufa, në jug të Irakut.  

Sipas agjencisë së lajmeve Kafa, në xhaminë Maytham Al-Tammar u zhvilluan Garat Kur’anore, më 15 shkurt 2018.

Garat Kur’anore  u organizuan nga Qendra Kombëtare për Shkencat Kur'anore në  bashkëpunim me zyrën e Awqaf të muslimanëve të Irakut në bashkëpunim me kujdestarinë e Xhamisë së Shenjtë, Maytham Al-Tammar.

Në gara morën pjesë 25 hafizë të Kur'anit dhe këndues të Kur’anit  nga vende të ndryshme të vendit.

Fituesit, të cilët do të përfaqësojnë Irakun në ngjarjet ndërkombëtare Kur'anore,  u nderuan, u shpërblyen në një ceremoni në fund të Garave Kur’anore.

Maytham el-Tammar al-Asadi al-Kufi (60/692) ishte një shoqërues i devotshëm dhe besnik i Imam Aliut (a.s.). Pas martirizimit të Imam Aliut (a.s.), Maythami u bë një shoqërues i devotshëm i Imam Hassanit (a.s.) dhe Imam Husejnit (a.s.). Ai mori njohuri të mëdha shpirtërore nga Ehl-ul-Bejti  (a.s.).

Aktivitetet Kur’anore janë zhvilluar dukshëm në Irak që nga përmbysja e ish-diktatorit Saddam Hussein në vitin 2003.

Ka patur një tendencë në rritje të programeve Kur'anore si gara, sesione, recitime dhe programe arsimore të mbajtura në Irak gjatë viteve të fundit.