E vërteta që fshihet pas marrëveshjes së demarkacionit

Publikuar në Shk. 18, 2018, 3:46 a.m.

Kryetari i Vetëvendosjes, Albin Kurti e ka quajtur mashtrim marrëveshjen e arritur mes presidenti Thaçi dhe Vujanoviqit për demarkacionin.

Ai pas takimit me ambasadorët dhe shefat e misioneve të BE-së në Kosovë, ka thënë se është i zhgënjyer për ndryshimin e qëndrimit të ish-opozitës.

“Nuk bëhet fjalë për marrëveshje të re, bëhet fjalë për marrëveshje  të vjetër e mashtrim të ri. Ky mashtrim i ri është mashtrim i ri i të njëjtit person, në mbledhje ata mbështeten qëndrimin e tyre, shpreha zhgënjimin me ish bashkëpunëtoret e mi në opozitë”, ka thënë ai.

“Nuk e paskan pasur për territor por për karrige , janë të gatshëm të falin mijëra hektarë. Ratifikimi i demarkacioni nuk garanton liberalizimin e vizave, sepse kriter tjetër është luftimi i korrupsionit. Nuk di se kur do të jetë seanca , përmbajta e kësaj deklarate është dashur të diskutohet me Kuvendin”, ka thënë mes tjerash Kurti.