Ish ministri i punëve të jashtme të SHBA-së, Henry Kissinger tha se Ukraina nuk duhet të përfshihet në NATO.

Duke folur në takimin e Komitetit të Mbrojtjes të Senatit amerikan, Kissinger deklaroi: ''Për Rusinë, Ukraina ka qenë historikisht një pjesë e tokës së saj për gati 400 vjet. Nuk është një punë e mençur të përfshihet Ukraina në NATO, por gjithashtu është e pamundur të lejohet ekzistimi i varësisë së Rusisë.''

Ish ministri tha se zgjedhja më e drejtë është pavarësia ushtarake dhe ekonomike e Ukrainës dhe zgjidhja e të gjitha problemeve që lidhen me prioritetet në mënyrë të pavarur.

Kissinger gjithashtu vuri në dukje kapacitetin mbrojtës në rritje të pandërprerë të Rusisë dhe Kinës.

Duke deklaruar se bashkëpunimi midis Rusisë dhe Kinës është shumë i rëndësishëm, ish ministri tha: ''Nuk ka dyshim se kapaciteti ushtarak dhe ekonomik i Kinës është rritur. Rusia është duke u forcuar, ne e shohim atë nga ngjarjet në Krime, Ukrainë dhe Siri. Kjo, nga ana tjetër, nxjerr një pyetje serioze: cila është marrëdhënia strategjike midis këtyre dy vendeve?"