"Arabia Saudite po sponsorizon terroristët e ISIS-it në vendin tuaj, ata përkrahin shkëputjen e rajonit të Kurdistanit të Irakut, si munden disa figura të Irakut të shtërgojnë duart me ta? Kjo është me të vërtetë e papranueshme ". tha Ajetullah Makarem Shirazi.

Duke folur në kursin e avancuar të jurisprudencës në Xhaminë e Madhe të Kumit të mërkurën, autoriteti i lartë shia, Ajetullah Nasser Makarem Shirazi, theksoi rëndësinë e unitetit dhe integritetit midis vendeve muslimane, duke vënë në dukje përçarjen e fundit politike midis politikanëve irakianë.

"Janë krijuar disa mosmarrëveshje tek vëllezërit tanë irakianë mes personaliteteve të ndryshme. Mesazhi im ndaj vëllezërve dhe motrave tona në Irak është të ruajnë unitetin dhe solidaritetin e tyre".

Autoriteti i lartë musliman shia  shtoi:

"Për fat të keq, disa grupe të vogla irakiane kanë formuar aleanca me qeverinë  Saudite".

Duke iu drejtuar atyre politikanëve irakianë që kërkojnë aleancë me Arabinë Saudite, Ajetullah  Makarem Shirazi tha: "Arabia Saudite po sponsorizon terroristët e ISIS-it në vendin tuaj, ata përkrahin shkëputjen e rajonit të Kurdistanit të Irakut, si mund t'i shtrëngoni duart me ta, kjo është vërtet e papranueshme . "

Autoriteti i lartë më tej i drejtoi kombit dhe autoriteteve irakiane këtë porosi: "Nëse e humbni unitetin dhe integritetin tuaj, edhe fitoret tuaja në muajt e fundit do të humbasin, por Iraku është në kushte të mira tani që terroristët e mbetur së shpejti do të fshihen nga tokat irakiane. , ju duhet të qëndroni të bashkuar derisa të arrini fitoren përfundimtare.”