Zëvendës Sekretari i Përgjithshëm i Hizbullahut ka kritikuar një raport të kohëve të fundit të Kombeve të Bashkuara për një qëndrim armiqësor ndaj Hizbullahut dhe për t'i shërbyer interesave Amerikano-Izraelite.

Këto komente i bëri të hënën në Bejrut, kur ai pranoi  Koordinatorin e Posaçëm të Kombeve të Bashkuara për Libanin, Sigrid Kaag.

Raporti i ri i shefit të OKB-së mbi rezolutat 1559 dhe 1701 ishte përpjekje e mjerueshme për të nxitur libanezët kundër lëvizjes së rezistencës së Hizbullahut dhe rolin të tij.

"Për sa kohë që Sekretari i Përgjithshëm i OKB-së pason diktatet e Shteteve të Bashkuara të Amerikës, ai nuk do të jetë në gjendje të luajë rolin e paqëndërtuesit  dhe paqebërësit", shtoi eminenca e tij.

"Ne besojmë se e drejta do të triumfojë," theksoi Shejh Kassemi. "Tokat e pushtuara do të çlirohen, me ndihmën e Zotit, ne do të ruajmë sovranitetin e vendit tonë dhe pavarësinë tonë përballë sfidave pavarësisht nga çmimi", përfundoi eminenca e tij.

Sekretari i Përgjithshëm i Kombeve të Bashkuara, Antonio Guterres denoncoi në një raport periodik për zbatimin e rezolutës 1701, deklaroi se "kërcënimet e nisura nga Sekretari i Përgjithshëm i Hizbullahut kundër Izraelit më 16 shkurt, 2017, të cilat nuk mund të justifikohen si nevojë për parandalim".

Ndërsa në shkurt të këtij viti, presidenti libanez Michel Aoun përsëriti se armët e Hizbullahut ishin komplementare për ushtrinë e vendit. "Përderisa një pjesë e territorit është e pushtuar nga" Izraeli ", një regjim që kërkon burime natyrore libaneze dhe për sa kohë që ushtria nuk është e fuqishme sa të përballet me Izraelin, ne ndiejmë nevojën për të ruajtur armët e Hizbullahut. Këto armë plotësojnë veprimin e ushtrisë, "theksoi kryetari, Michel Aoun.

Ai vuri në dukje se, po të mos ishte presioni i rezistencës, regjimi izraelit nuk do të tërhiqej nga shumica e territorit libanez. "Armët e Hezbollahut nuk janë kontradiktore me projektin shtetëror, të cilin e mbështes dhe për të cilin unë përpiqem," vuri në dukje ai.