Në Arabinë Saudite 30% e studentëve të mjekësisë pijnë duhan
Një ish-zyrtar i shëndetësisë i Bordit Ekzekutiv të Këshillit të Ministrave Shëndetësorë ka shprehur shqetësim lidhur me rritjen e numrit të studentëve të mjekësisë në Mbretërinë Saudite që pijnë duhan dhe u kërkoi atyre që të braktisin këtë zakon gjatë muajit të Ramazanit.
Raporti ndryshon në mes të universiteteve të ndryshme të Gjirit, por deri në 30 për qind e studentëve të mjekësisë të universiteteve saudite pijnë duhan, Dr. Tavfik bin Ahmed Khoxha, ish-drejtor i Përgjithshëm i Bordit Ekzekutiv të Këshillit të Ministrave Shëndetësorë i tha një botimi lokal.
Muaji i Shenjtë i Ramazanit është një mundësi e mirë për të lënë duhanin, por për fat të keq shumë duhanpirës dështojnë për të bërë këtë. Në të kundërtën, ata e rrisin normën e pirjes së duhanit dhe nargiles, sidomos gjatë natës, tha ai.
Dr. Tavfik bin Ahmed Khoja tha se disa studime kanë treguar se konsumi i duhanit në mbrëmje gjatë Ramazanit dhe tubime të natës rrit procesin e magazinimit të nikotinës në trup.
Proceset e tilla të magazinimit në baza ditore e bën trupin shumë të ngopur me toksina, duke kërcënuar shëndetin dhe jetën e duhanxhiut.
Lidhur me çështjen e shprehisë të pirjës së duhanit në komunitetin mjekësor, ai tha: Unë kam bërë shumë përpjekjeve përmes programeve të ndërgjegjësimit për efektet e dëmshme të pirjes së duhanit, ndërsa u bëj thirrje autoriteteve për të rritur taksat dhe çmimet për produktet e duhanit.
I kam vënë edhe kushtet në kontratën e punës gjatë mandatit tim udhëheqës që një punonjës duhet të jetë një jo-duhanxhi, sepse zyra është model për mjekët dhe të tjerët.
Duke komentuar mbi diabetin dhe obezitetin, Dr. Tavfik bin Ahmed Khoja tha se shkaqet kryesore janë shprehitë e këqija të të ushqyerit dhe mënyra e dobët e jetesës.
Treguesit dëshmojnë se 65 për qind e anëtarëve të komunitetit të Gjirin, veçanërisht në Arabinë Saudite, nuk bëjnë asnjë ushtrim apo madje as edhe të ecin. Kjo reflekton në rritjen e normës së kësaj sëmundjeje, veçanërisht të diabetit të tipit II, tha ai.
Këto sëmundje nuk mund të kontrollohet nëse nuk ekziston një bashkëpunim i vërtetë nga anëtarët e komunitetit, tha dr. Tavfik bin Ahmed Khoja.
Ministritë e Shëndetit në Gjirin Persik shpenzojnë miliona në fushata dhe programe për të rritur ndërgjegjësimin, por roli i individëve është më i rëndësishëm për parandalimin e sëmundjeve, shtoi ai
Burimi : Arab News