Poetja iraniane ftohet në Kongresin e 23-të Botëror të Poetëve në Osaka
Poetja iraniane Hadixhe Shiran është ftuar në Kongresin e 23-të Botëror të Poetëve që do të mbahen në Osaka, Japoni, prej 25-29 mars 2014.
Gjatë kongresit, poetë nga e gjithë
bota bashkohen në miqësi dhe kremtim për të dëgjuar poezitë e njëri-tjetrit dhe
për të dëgjuar kumtesat e paraqitura në lidhje me poezinë, ku medalje dhe
kurora dafinë ari janë bërë gati për t’u dhuruar poetëve më të mirë, kështu ka
lajmëruar faqja e Kongresit të Poetëve.
Hadixhe Shiran 76 - vjeçare s’ka pasur asnjë trajnim
akademik, por ka thurrur mbi 3000 vargje. Ajo ka lindur në Isfahan, ka pasur
një jetë të vështirë, u detyrua të martohet me një burrë shumë më të vjetër se
mosha e saj kur ajo ishte vetëm nëntë vjeçare dhe kishte lëvizur në qytete të
ndryshme të gjitha këto vite. Megjithatë, ajo ishte gjithmonë e interesuar për
të mësuar.
Disa programe, gjithashtu, janë përgatitur
në periferi të kongresit, duke përfshirë shetitje të shkurtëra në të gjithë
qytetin, si dhe leksione nga kultura japoneze.
Bashkimi Ndërkombëtar i Poetëve Laureat e ka mbajtur Kongresin Botëror të Poetëve çdo dy vjet që nga viti 1969 në vende të ndryshme të botës për të promovuar vëllazërinë dhe paqen me anë të poezisë.