Komandanti i Hezbollahut, duke folur për gazetën al-Ahbar të botuar në Liban, tha se lufta e ardhshme do të jetë shumë shkatërruese për regjimin racist izraelit.

Komandanti i Hezbollahut, emri i të cilit nuk bëhet i ditur, deklaroi se ata kanë filluar përgatitjet për luftën e radhës dhe kanë hyrë në garë me ushtrinë izraelite menjëherë pas armëpushimit të 14 gushtit, që i dha fund luftës në vitin 2006 dhe u shpreh se:

“Pas luftës, ne kishim për detyrë të ndërtojmë kapacitetet për të parandaluar jo vetëm që ushtria izraelite të arrijë qëllimet e saj, por edhe për të shkatërruar ushtrinë izraelite. Ne e dimë se armiku, në të gjitha vlerësimet e tij që nga fundi i Luftës së Korrikut, ka konstatuar se jemi përpara tyre, edhe në fusha që nuk janë menduar kurrë se do të pëparojnë. Në të gjitha stërvitjet kryesore që nga publikimi i raportit të komisionit të Winogradit për luftën, madje edhe në stërvitjen e fundit "Makinat e zjarrit", armiku ka arritur në përfundimin se ne jemi përpara tyre, pavarësisht nga të gjitha përpjekjet e tyre për të kompensuar mangësitë.”

Duke vënë në dukje papërshtatshmërinë e regjimit izraelit në inteligjencë, komandanti i Hezbollahut vazhdoi si më poshtë:

“Për shembull, armiku ndonjëherë ndërmerr hapa sipas njohurive të tij për nivelin tonë të armatimit; por më pas e kupton se niveli i armatimit që kemi është gjithnjë e më i avancuar. Ne e dimë se armiku ka zbuluar disa gjëra përmes aktiviteteve të inteligjencës. Megjithatë, ka disa gjëra që ne tashmë po përpiqemi që ato të shfaqen në mënyra të ndryshme.”

Komandanti i Hezbollahut dha një shembull të raketave të tyre duke u shprehur se: “Deri para pak kohësh, armiku mendonte se Hezbollahu nuk ka raketa që goditin me saktësi, por më vonë kuptoi se ne i kishim këto armë, madje u sigurua. Armiku ka të drejtë të frikësohet nga ajo që di dhe ka gjëra që nuk i di, ndaj të cilave nuk ka çfarë të bëjë!”

Zakoni i Izraelit për të kërcënuar

Duke iu referuar zakoneve kërcënuese të zyrtarëve racistë të regjimit izraelit, komandanti i Hezbollahut tha:

“Dikur armiku kërcënonte se nëse Hezbollahu do të kishte 20 raketa me goditje të saktë, ata nuk do të ishin spektatorë dhe do të vepronin. Ne kemi pasur qindra të tilla raketa. Edhe ata e morën vesh këtë më vonë, por heshtën; Ata mblodhën bishtin dhe u zhdukën. Kur ata mendojnë dhe janë të sigurt se kemi qindra raketa me goditje të saktë, ne në fakt kemi mijëra të tilla.”

Duke kujtuar deklaratën e Sekretarit të Përgjithshëm të Hezbollahut, Sayyid Hasan Nasrullah në lidhje me raketat, komandanti i Hezbollahut tha:

“Kur armiku shpalli planin e tij për të parandaluar që armët të bijnë në duart tona, zoti Sejid Hasan Nasrullah bëri një deklaratë duke thënë: "Kjo ka mbaruar, armët kanë mbërritur tek ne". Kjo vlen edhe për programin e zhvillimit të aftësive të armëve të Rezistencës. Sejid Nasrullah bëri një deklaratë përsëri dhe tha se ne po bëjmë armët tona dhe se jemi të gatshëm të shesim armë, veçanërisht raketa dhe avionë pa pilot. Kjo tregon kapacitetin tonë në prodhim. Armiku ka të drejtë kur mendon se ne posedojmë gjithçka që posedon edhe Irani, veçanërisht dronë. Por realiteti është se Rezistenca ka kapacitete në Liban në përpjesëtim me nevojat e saj. Disa nga këto kapacitete mund të mos jenë as të disponueshme në Republikën Islamike të Iranit.”

Lufta e ardhshme do të jetë luftë për të shkatërruar infrastrukturën e Izraelit

Duke thënë se lufta e Hezbollahut me Izraelin nuk është ndalur dhe nuk do të ndalet kurrë, komandanti i Hezbollahut tha:

“Lufta nuk është ndalur dhe nuk do të ndalet kurrë, dhe armiku e di këtë fakt dhe përpiqet të parandalojë luftën. Sepse nëse na tërheqin në luftë, ne do të hyjmë fuqishëm në luftë. Kjo luftë do të jetë fjalë për fjalë një luftë shkatërruese për ta. Ata nuk do të jenë në gjendje të kundërshtojnë Hezbollahun në të gjitha frontet. Edhe pse ata kanë zakon të kërcënojnë të na shkatërrojnë, më lejoni të theksoj se shkatërrimi që do të pësojë ky regjim do të jetë shumë më i madh nga sa e imagjinojnë.

Le ta dijë armiku se këtë herë lufta me Hezbollahun do të jetë një luftë në të cilën do të shkatërrohet infrastruktura ekzistuese e Izraelit. Jeta e kolonëve do të kthehet në një ferr të plotë. Armiku do të mbledhë kufoma nga rrënojat e tyre gjatë luftës.”

Duke iu referuar objektivave në det, komandanti i Hezbollahut tha:

“Ushtria izraelite nuk mund të mbrojë marinarët që ka. Ata nuk janë në gjendje të mbrojnë objektet e tyre jetike. Ushtritë e tyre nuk janë në gjendje t'i mbrojnë në frontin e brendshëm nën bomba, ushtritë e tyre nuk janë në gjendje të mbrojnë as veten e tyre.”

Izraeli do të jetë në një pozicion mbrojtës për herë të parë në territorin e vitit 1948

Me pak fjalë, ushtria e armikut, emri i së cilës është forcat mbrojtëse, ka humbur fuqinë e saj mbrojtëse. Prandaj, ajo ka humbur arsyen e saj të ekzistencës. Kur u mungon fuqia mbrojtëse, atyre u mungon edhe motivimi për të sulmuar. Kjo do të thotë se ata janë bërë një ushtri pa vlerë dhe ndaj tyre mund të ndërmerret çdo veprim i dhunshëm.

Ne themi se lufta do të ndodhë pa dyshim. Ushtria izraelite e di shumë mirë këtë: nuk do të jetë në gjendje të mbrojë anijet që do të ankorohen në portet e saj, nuk do të jetë në gjendje të mbrojë anijet luftarake. Ushtria izraelite e di se kur të fillojë lufta, ne nuk do të jemi në mbrojtje. Për herë të parë, Izraeli do të jetë në një pozicion mbrojtës në territorin e vitit 1948.

Ne e dimë se armiku po planifikon të evakuojë zonat brenda 5 kilometrave nga kufiri libanez. Ne e konsiderojmë këtë një hap të qartë prapa nga llogaritjet e tyre të mëparshme. Gjithashtu, armiku e di shumë mirë se të gjitha strehët dhe pozicionet e tyre janë brenda rrezes së qitjes së Rezistencës.

Ajo që më së paku e do luftën është vet ushtria izraelite; sepse i njeh aftësitë e tij ushtarake. Izraeli po merrte forcë nga fragmentimi i mjedisit. Por tani situata është e kundërt. Udhëheqësit izraelitë, veçanërisht ushtria, besojnë se Izraeli është një entitet i rremë; Ai e di se ata e imponuan regjimin izraelit në një periudhë të dobët kur palestinezët u tradhtuan dhe u lanë vetëm. Ky regjim mendonte se ushtria e tij ishte e pathyeshme dhe mund të qëndronte me mbështetjen e huaj; Por sot ky nocion është kthyer mbrapsht.

Sot, Izraeli përballet me një Rezistencë që imponon opsionet e veta. Grupet e rezistencës dhe popujt sot janë unanim në marrjen e anës së popullit palestinez në luftën kundër Izraelit. Izraeli i frikësohet Rezistencës, ata kanë konflikte të paprecedentë mes tyre. Nga ana tjetër, Rezistenca qëndron kundër tyre me vullnet dhe vendosmëri të fortë në luftë. Izraeli po vepron në përputhje me planin e tij të mbrojtjes për të mbrojtur veten.”

"Izraeli ka rënë"

Komandanti i Hezbollahut i kujtoi ish Sekretarit të Përgjithshëm të Hezbollahut, Sayyid Abbas Mousavi, se "Izraeli ka rënë", duke u shprehur se:

“Kur dëshmori Abbas Mousavi tha fjalën “Izraeli ka rënë”, shumë miq dhe armiq nuk mund ta kuptonin domethënien e kësaj fjale. Kur Izraeli u tërhoq, ai kishte rënë dhe nuk ishte më në këmbë.

Sot themi se Izraeli është i copëtuar dhe në kolaps. Ai thjesht vendosi një hendek kohor mes nesh dhe luftës dhe këtij kolapsi. Askush nuk do të jetë në gjendje ta ndalojë këtë kolaps absolut, kushdo që i bashkohet Izraelit do të shembet gjithashtu; sepse të gjitha kriteret tani janë të kundërta.

Çdo luftë e ardhshme me ne do të përfundojë në mënyrën e përcaktuar. Nga ana tjetër, ne nuk jemi vetëm. Nëse fillon një luftë gjithëpërfshirëse, grupet palestineze të rezistencës do të kenë gjithashtu një pjesë në të dhe populli palestinez do të marrë masa. Kjo vlen edhe për territorin e vitit 1948.

Ndryshe është situata sot, ne mendojmë se nuk do të guxonte të hynte drejtpërdrejt në luftë nëse Amerika do të ishte në anën e armikut. Ata kujtojnë se çfarë ndodhi me forcat e tyre në vitet 1983-84”.