Protesta anti-monarki në Madrid
Protestuesit anti-monarkisë kanë dalë në rrugët e kryeqytetit spanjoll, Madrid, pasi mbreti i ri, Felipe VI, u shpall monark.
Sipas agjencisë AP, mijëra spanjollë dolin në rrugët
e Madrid të enjten për të treguar pakënaqësinë e tyre me sistemin e monarkisë
në vendin e tyre.
Protestuesit u përplasën me sistemin
aktual politik në Spanjë për atë që ata e përshkruajnë si dështim të tij, për
të përfaqësuar vullnetin e vërtetë të popullit.
Demonstruesit e zemëruar, gjithashtu,
kritikuan familjen mbretërore për stilin e jetës së saj luksoze.
Protestat erdhën pasi Felipe VI bëri betimin si Mbret i ri
i Spanjës në orët e hershme të enjten në mëngjes.
Spanja ka qenë skenë e protestave
anti-monarkiste në javët e fundit. Mijëra protestues u mblodhën në rrugët e
Madridit në muajin qershor 2014 dhe kërkuan heqjen e monarkisë.
Sipas një studimi të kryer më parë
këtë muaj, shumica e popullit spanjoll janë në favor të një referendumi për të ardhmen
e monarkisë në vendin e tyre.
Imazhi i familjes mbretërore në
Spanjë është errësuar nga një seri skandalesh korrupsioni. Spanja aktualisht ka
të bëjë me krizën më të keqe ekonomike në historinë e kohëve të fundit.