Një dijetar fetar  është arrestuar në Arabinë Saudite pasi kritikoi politikën e fundit të regjimit të Riadit  për organizimin e koncerteve  nga artistë ndërkombëtarë, duke paralajmëruar se zhvillimi eshte një kërcënim për kulturën e vendit.

Në një video, Shejh Omar al Mukbil akuzoi Autoritetin e Përgjithshëm Saudit për Argëtim për "Fshirjen e identitetit  origjinal të shoqërisë", raportoi TRT World.

Komentet e tij vijnë në mes të të ashtuquajturës fushatë të princit të kurorës Muhamed bin Salman (MBS) të liberalizimit social, i cili ndër reformat e tjera ka hequr ndalimin për gratë që te vozitin, lejoi kinemanë dhe ka ftuar këngëtarët të performojnë në Arabi.

Por kjo shtytje për liberalizim shoqëror është shoqëruar me një shtrëngim të ashpër ndaj çdo lloj kundërshtimi, pavarësisht nëse vjen nga aktivistë liberalë apo studiues fetarë, si Mukbil.

Figurat e tjera fetare të arrestuar nga sauditët përfshijnë akademik, Abdul Aziz al Fawzan, ish-imamin e Xhamisë së Madhe, Saleh al Taleb dhe studiuesin Shejh Safar al Hawali.

I burgosuri më i shquar është Shejh Salman al Odah, një figurë e njohur në të gjithë botën arabe dhe ka me miliona  muslimane ndjekës në mediat sociale.

Ai u arrestua pasi bëri thirrje për pajtimin e Arabisë Saudite me Katarin, nga i cili ndërpreu lidhjet diplomatike në vitin 2017.  Shejh Safar Odah aktualisht  përballet me dënimin me vdekje.

Fushata kundër disidentëve nuk është e kufizuar vetëm në burgosje apo brenda kufijve të Arabisë Saudite.

Në Tetor 2018, fushata e Rijadit kundër disidentëve pretendoi viktimën e saj më famëkeqe - kolumnisti i Washington Post, Jamal Khashoggi.

Grupi i të drejtave Amnesty International ka përshkruar më parë fushatën e arrestimeve si "të paturpshme".

"Ne u bëjmë thirrje autoriteteve që menjëherë të zbulojnë akuzat  e ngritura kundër të ndaluarve, dhe nëse ata arrestohen për ushtrimin e tyre paqësor të së drejtës së tyre për lirinë e shprehjes, atëherë ata duhet të lirohen menjëherë dhe pa kushte," tha Lyn Maalouf i Amnistisë.