Irani dënoi të premten sulmet terroriste në dy xhami në Zelandën e Re që kanë lënë dhjetëra njerëz të vdekur si dhe shumë të tjerë të plagosur.

"Republika Islamike e Iranit dënon ashpër sulmin çnjerëzor dhe brutal ndaj dy xhamive në Kishën e Krishtit, në Zelandën e Re", tha të premten zëdhënësi i Ministrisë së Jashtme, Bahram Kasemi.

Ai i kërkoi qeverisë së Zelandës së Re të zbulonte autorët e veprimit "racist" dhe t'i sillte para drejtësisë "pa asnjë konsideratë".

Deri më tani janë vrarë të paktën 49 persona dhe 20 të plagosur rëndë, pasi persona të armatosur hapën zjarr në dy xhami në qytetin e Zelandës së Re të Christchurch të premten, kur qindra muslimanë ishin mbledhur për të falë Namazin e Xhumasë.

"Çdo veprim terrorist, kudo në botë, i kryer nga kushdo nën ndonjë motiv, duhet të dënohet nga të gjitha vendet", shtoi Kasemi, duke i bërë thirrje "qeverive të mos lejojnë lëvizjet raciste dhe islamofobike të prishin sigurinë e qytetarëve".

Policia e Zelandës së Re thotë se kanë arrestuar tre burra dhe një grua në lidhje me sulmin. Një burrë tashmë është akuzuar për vrasje.