Sauditët bombardojnë siloset e drithit në Jemen
Forcat e koalicionit saudit kanë bombarduar siloset e drithit në Jemen, i cili po lufton me urinë.
Sipas lajmit të televizionit Al Meyadin, zëdhënësi i Ushtrisë së Jemenit, gjeneral brigade Yahya Seri tha se koalicioni arab i udhëhequr nga Arabia Saudite ka bombarduar mullit dhe siloset e drithit në qytetin Al Hudaydah.
Këtë sulm të koalicionit saudit ndaj nevojave themelore të popullit jemenas, Yahya Seri e ka konsideruar si “frikacak”.
Amerika e cila pas vrasjes së gazetarit saudit Jamal Khashoggi në Konsullatën Saudite në Stamboll, iu kishte nënshtruar presioneve ndërkombëtare, kishte bërë thirrje për ndaljen e luftës në Jemen dhe në bisedimet e udhëhequra nga OKB në Suedi ishte arritur një marrëveshje armëpushimi për AL Hudaydah.
Ndërsa Qeveria Çlirimtare Kombëtare në Sana'a, kryeqytetin eJemenit, po i përmbahet armëpushimit në Hudaydah, koalicioni saudit po vazhdon shkeljet e tij ndaj armëpushimit.
Zëdhënësi i ushtrisë i Jemenit, Yahya Seri ka deklaruar se që nga hyrja në fuqi e marrëveshjes së armëpushimit në Hudaydah më 19 janar, aleatët sauditë deri më tani kanë shkelur armëpushimin 3273 herë .
Në një konferencë për shtyp sot, Yahya Seri gjithashtu tha se ushtria e Jemenit dhe Komitetet Popullore kishin goditur rëndë koalicionin saudit në rajonin Gizan.
Yahya Seri tha se si rezultat i operacionit në shkallë të gjerë të organizuar nga ushtria e Jemenit dhe Komitetet Popullore, janë konfiskuar 15 baza të koalicionit saudit në rajonin në mes të fshatit Hard dhe fshatin Et Tival në provincën Gizan në veriperëndim të vendit.
Burimi : Yakın Doğu Haber