Vitin e kaluar 294,480 refugjatë sirianë në Turqi u kthyen në vendin e tyre, njoftoi Ministria e Brendshme e Turqisë në një deklaratë të fundit.

Dëshmitë sugjerojnë se ndërsa qeveria qendrore në Damask gjithnjë e më shumë e ka kontrollin mbi Sirinë dhe me kthimin e sigurisë në vend pas disfatës së terroristëve, tendenca midis refugjatëve sirianë për t'u kthyer në atdheun e tyre është rritur.

Deklarata nga ministria turke gjithashtu tha se në vitin e kaluar 90 refugjatë sirianë, të cilët kërkonin të emigronin në vendet evropiane përmes rrugëve ilegale të detit, u mbytën në ujërat turke dhe humbën jetën.

Gjatë vitit të kaluar, 853,274 shtetas të huaj kanë marrë vendbanime të ligjshme dhe 268,000 emigrantë të paligjshëm janë arrestuar në zona të ndryshme të Turqisë, thuhet më tej në deklaratë.

Gjatë të njëjtës periudhë, qeveria turke thotë se u kthyen në vendet e tyre 55,594 emigrantë të paligjshëm, shumica e të cilëve ishin shtetas të Afganistanit, Irakut, Pakistanit dhe Sirisë.