Udhëheqësi turk shprehu angazhimin e vendit të tij për fitoren ndaj ISIL-it dhe grupeve të tjera terroriste.

Erdogan: Presidenti Trump bëri masën e duhur kur ai kërkoi një tërheqje nga Siria

Presidenti turk Rexhep Tajip Erdogan përshëndeti vendimin e muajit të kaluar nga Donald Trump për të tërhequr trupat amerikane nga Siria, por tha se tërheqja duhet të bëhet me kujdes dhe me "partnerë të vërtetë".

Në një artikull për New York Times të hënën, një ditë para se të takohet me këshilltarin për Sigurimin Kombëtar të  SHBA-ve, John Bolton, Erdogan shprehu angazhimin e Turqisë për të mposhtur grupin armatosur Shteti Islamik i Irakut apo ISIL -ISIS dhe "grupe të tjera terroriste" në Siri.

"Turqia, e cila ka ushtrinë e dytë më të madhe aktive në NATO, është i vetmi shtet me fuqi dhe angazhim për ta bërë këtë detyrë".

Në një njoftim të papritur, Trump tha më 19 dhjetor se ISIL u mund në Siri dhe njoftoi tërheqjen e 2,000 trupave nga shteti.

Ky veprim ka ngjallur shumë pyetje dhe dukej si shpallja e një tërheqje të shpejtë nga Siria ka alarmuar aleatët si Franca dhe Britania e Madhe e cila paralajmëroi se ISIL nuk është i mundur.

Kjo ka rritur edhe pritshmëritë se Turqia mund të nisë veprime ushtarake kundër Njësisë së Mbrojtjes Kombëtare (YPG), të cilat ishin pjesa kryesore e Forcave Siriane Demokratike (SDF), e cila është mbështetur nga SHBA kundër ISIS-it.

Në ditët e fundit, administrata Trump-it shpjegoi se tërheqja nga verilindje e Sirisë nuk do të shkojë aq shpejt. Presidenti amerikan të hënën ndryshoi fjalët dhe tha se lufta kundër ISIS-it ende nuk ka përfunduar.